વૈદિક જ્યોતિષ

ઓક્ટોબર ૦૯ , ૨૦૨૪ના રોજ ગુરુ મહારાજ વૃષભ રાશિમાં વક્રી બન્યાં છે. અહીં ગુરુ ફેબ્રુઆરી ૦૪ , ૨૦૨૫ સુધી વક્રી ભ્રમણ કરશે. જ્ઞાન અને ડહાપણના કારક એવાં ગુરુ મહારાજ જ્યારે વક્રી બને છે ત્યારે પરંપરાગત માન્યતાઓ અને વિચારોને સ્વીકારી લેવાની બદલે વ્યક્તિમાં આંતરિક વિચારશીલતા વિકસે છે. વક્રી ગુરુનો સમય આપણાં માટે આત્મસંવાદ અને આત્મપરિક્ષણનો અવસર લઈ આવે છે. આ સમય જાતને અંતર્મુખ કરીને અંદરથી ખરાં જ્ઞાનની ખોજ કરવાનો છે. વક્રી ગુરુનો સમય પરંપરાગત રીતોથી આગળ વધવાને બદલે નવા વિચારો અને નવા રસ્તાઓ શોધવાની તક આપે છે. આ સમયે આપણાં અંતરનો અવાજ આપણી પ્રેરણા બને છે. આ આંતરિક પ્રેરણાથી જીવનમાં નવી દિશાની પ્રાપ્તિ થાય છે. કાર્ય કરવાની પરંપરાગત પદ્ધતિ ત્યાગીને આપણો અંતરાત્મા નવી રીતો બતાવવાની શરૂઆત કરે છે. આંતરિક પ્રેરણા આપણને વધુ ઊંડી સમજણ અને ગહન જ્ઞાનની પ્રાપ્તિ તરફ દોરી જાય છે. આપણે આપણી જાતને વધુ ઊંડાણથી સમજતાં થઈએ છીએ. આપણી અંદર જાગેલી શક્તિ અને સમજણ જીવનમાં મોટાં બદલાવ લઈ આવવાં માટે આપણને સક્ષમ બનાવે છે. વક્રી ગુરુના સમય દરમિયાન ક્યારેક એવું બની શકે કે જૂના મુદ્દાઓ કે જૂના વિચારો , જે આપણે ભૂલી ચૂ...

માતા કાત્યાયની માતા દુર્ગાનું છઠ્ઠું સ્વરૂપ માનવામાં આવે છે અને નવરાત્રિના છઠ્ઠા દિવસે તેમની પૂજા કરવામાં આવે છે. વિશેષરૂપે, તેઓ કુંવારી કન્યાઓની રક્ષા કરે છે અને તેમને યોગ્ય પતિ પ્રાપ્ત થવાના આશીર્વાદ આપે છે. આ કારણસર કાત્યાયની માતાની પૂજા, ખાસ કરીને, અવિવાહિત કન્યાઓ કરે છે, જેથી તેમને સારો જીવનસાથી મળે અને તેમના જીવનમાં સુખ-સમૃદ્ધિ બની રહે. પૌરાણિક કથાઓ અનુસાર, વ્રજની ગોપીઓએ ભગવાન કૃષ્ણ જેવાં પતિને પામવા માતા કાત્યાયનીની પૂજા કરી હતી. રૂકમણીજી અને માતા સીતાએ પણ કાત્યાયની માતાના આશીર્વાદથી પોતાના પતિઓને પ્રાપ્ત કર્યા હતાં. આમ માતા કાત્યાયની દરેક અવિવાહિત કન્યાની ઈચ્છા પૂર્ણ કરનાર છે. વિવાહયોગ્ય કન્યાઓ માતા કાત્યાયનીના આશીર્વાદ પ્રાપ્ત કરવા માટે કાત્યાયની મંત્રના નિયમિત જાપ કરી શકે છે. આ મંત્રના શ્રદ્ધા અને ભાવપૂર્વક નિયમિત જાપ કરવાથી વિવાહમાં આવતી બાધાઓ દૂર થાય છે, અને મનોવાંછિત પતિ તેમજ સુખદ લગ્નજીવનની પ્રાપ્તિ થાય છે. કાત્યાયની માતાને અવિવાહિત કન્યાઓની ઈચ્છા પૂર્ણ કરનાર માનવામાં આવે છે. કાત્યાયની મંત્ર: કાત્યાયની મહામાયે મહાયોગીન્યધીશ્વરી, નંદ ગોપ સૂતમ દેવી પતિમ મે કુરુ તે નમઃ ...

આપણું આ પૃથ્વી પર અસ્તિત્વ ટકાવી રાખવાં માટે સૂર્યની હાજરી અતિ આવશ્યક છે. આ સંસારમાં અસ્તિત્વ ધરાવતી પ્રત્યેક વસ્તુનો મૂળ આધાર સૂર્ય છે. બધાં ગ્રહો અને ઉપગ્રહો સૂર્યની આકર્ષણશક્તિને લીધે જ પોતાના નિશ્ચિત પથ પર પરિક્રમા કરી રહ્યાં છે. સંસારમાં ઉર્જાનો સૌથી મોટો સ્તોત્ર સૂર્ય જ છે અને તેની ઉર્જા દ્વારા જ સંસારની તમામ ગતિવિધિઓનું સંચાલન થાય છે. સૂર્યમાંથી નીકળનારી ઉર્જાને લીધે જ પ્રકૃતિમાં પરિવર્તન આવે છે. પૌરાણિક શાસ્ત્રો અનુસાર સૂર્ય જીવનનું કેન્દ્ર બનીને શક્તિ , ઉર્જા અને પ્રાણદાયક છે. આથી જ સૂર્ય દેવતાના રૂપમાં પૂજનીય છે. વિશ્વના અન્ય દેશો પણ સૂર્યને પૂજનીય ગણે છે. સૂર્યદેવ એ સૃષ્ટિના રચયિતા બ્રહ્માના પ્રતિનિધિ છે. હિંદુ ધર્મમાં સૂર્યને પ્રત્યક્ષ દેવતા માનવામાં આવ્યાં છે. આથી યોગશાસ્ત્રોમાં સૂર્યનમસ્કારનું વર્ણન કરવામાં આવ્યું છે. જેમ ગ્રહોમાં રાજા સૂર્ય છે તેમ આસનોમાં સૂર્યનમસ્કાર રાજા છે. સમસ્ત ગ્રહોની વ્યાધિ સૂર્ય ઉપાસના કરવાથી શાંત થાય છે. પ્રાત:કાળ ઉગતાં સૂર્યને સૂર્યનમસ્કાર કરવાનું વિધાન છે. સૂર્યનમસ્કાર કરવાથી જાતકની પ્રાણશક્તિમાં વૃદ્ધિ થાય છે. સૂર્યનમસ્કારમાં બાર મંત્રોનુ...

ગુરુવાર , ઓક્ટોબર ૦૩ , ૨૦૨૪થી શારદીય નવરાત્રિનો આરંભ થવા જઈ રહ્યો છે. નવરાત્રિમાં યોગ્ય મુહૂર્તમાં ઘટસ્થાપન (ગરબાની સ્થાપના) ને વિશેષ મહત્વ આપવામાં આવે છે. શાસ્ત્રો અનુસાર પ્રાત:કાળે સૂર્યોદય થયાંના પહેલાં ચાર કલાકની અંદર ઘટ સ્થાપન કરવું સૌથી શુભ માનવામાં આવે છે . તદુપરાંત , બપોરના અભિજિત મુહૂર્તમાં પણ ઘટસ્થાપન કરી શકાય છે. દ્વિસ્વભાવ લગ્નમાં ઘટ સ્થાપન કરવાનું વિશેષ મહત્વ છે . ૨૦૨૪માં શારદીય નવરાત્રિના પ્રારંભે પ્રતિપદા તિથિએ પ્રાત:કાળે દ્વિસ્વભાવ કન્યા લગ્ન મુહૂર્ત આવશે , જેનો સમય નીચે દર્શાવેલ છે. સામાન્ય જન ચોઘડિયાં આધારીત મુહૂર્તની પસંદગી કરતાં હોય છે,  પરંતુ શાસ્ત્રો ચોઘડિયાંના આધારે ઘટસ્થાપન કરવાની સલાહ આપતાં નથી. આ ઉપરાંત શક્ય હોય ત્યાં સુધી બપોર બાદ ઘટસ્થાપન કરવાનું ટાળવું જોઈએ. પ્રતિપદા તિથિ પ્રારંભ: ૧૨ : ૧૮ AM, ઓ ક્ટોબર ૩ , ૨૦૨૪ પ્રતિપદા તિથિ અંત: ૦૨ : ૫૮ AM, ઓ ક્ટોબર ૪ , ૨૦૨૪ ઘટસ્થાપન માટે પ્રતિપદા તિથિ , ગુરૂવાર , ઓક્ટોબર ૩ , ૨૦૨૪ ના રોજ મૂહૂર્ત આ મુજબ છે: રાજકોટ કન્યા લગ્ન મૂહૂર્ત: ૦૬ : ૩૯ AM થી ૦૭ : ૪૨ AM  અભિજિત મૂહૂર્ત: ૧૨ : ૧૨ PM થી ૧૨...

સપ્ટેમ્બર ૨૩ , ૨૦૨૪ના રોજ બુધ મહારાજે પોતાની ઉચ્ચ રાશિ કન્યામાં પ્રવેશ કર્યો છે. અહીં બુધ ઓક્ટોબર ૧૦ , ૨૦૨૪ સુધી ગોચર ભ્રમણ કરશે. આ દરમિયાન બુધ સૂર્ય અને કેતુ સાથે યુતિમાં તેમજ ગુરુ અને મંગળની દ્રષ્ટિમાં રહેશે. બુધના કન્યા રાશિમાં ગોચર ભ્રમણ દરમિયાન વિચારો વધુ ગહન બને તેમજ માનસિક સ્પષ્ટતાનો અનુભવ થાય. દિનચર્યાનું સુવ્યવસ્થિત આયોજન કરવું શક્ય બને , જેને લીધે કાર્યો વધુ સારી રીતે પાર પાડવામાં સફળતામાં મળે. બુધના કન્યા ભ્રમણનો આ ગાળો કશુંક નવું શીખવા માટે , અભ્યાસ કરવાં માટે , નવો અભિગમ કેળવવા માટે કે નવી જાણકારી મેળવવાં માટે ઉત્તમ રહે. ગુરુની બુધ પરની દ્રષ્ટિ વિચારોનો વિસ્તાર કરી સકારાત્મક અભિગમ આપી શકે. આથી મોટા અને અર્થસભર પ્રોજેક્ટ પર ધ્યાન આપી શકાય. હાલ મંગળ બુધની અન્ય રાશિ મિથુનમાં ભ્રમણ કરી રહ્યો છે અને કન્યામાં રહેલાં બુધ પર દ્રષ્ટિ કરી રહ્યો છે. મંગળનો બુધ પર આ પ્રભાવ કમ્યુનિકેશનમાં ઉર્જાનો અનુભવ કરાવી શકે છે. પરંતુ ક્યારેક વિચારોમાં ઉશ્કેરાટ અને તીવ્રતાનો અનુભવ થાય. એવું લાગે કે મનમાં વિચારોનું યુદ્ધ ચાલી રહ્યું છે. આ બાબત વિશે મંગળવારે વિશેષ સાવધ રહેવું. આ ઉપરાંત સપ્ટેમ્બર ...

જૂન 30 , 2024 ના રોજ શનિ મહારાજ વક્રી બન્યા છે , જે નવેમ્બર 15 , 2024 સુધી રહેશે. આ સમય આત્મમંથન અને આત્મચિંતન કરવાનો રહે. લાંબા સમયથી પડતર રહેલી બાબતો પર ધ્યાન આપી શકાય. જીવનમાં વધુ શિસ્તબદ્ધ બનવવાનો તેમજ ફરજો અને જવાબદારીઓ પ્રત્યે જાગૃત બનવાનો પ્રયત્ન કરી શકાય. ભૂતકાળમાં કરેલી ભૂલો અને ભૂતકાળના અનુભવો પર નજર નાખી તેમાંથી બોધપાઠ લઈ શકાય. વક્રી શનિ ઘણીવાર ભૂતકાળની કાર્મિક ઘટનાઓને ફરી યાદ અપાવે કે ઘટાવે છે. આ સમયનો ઉપયોગ કાર્મિક ઋણની ચૂકવણી કરીને સ્વવિકાસ કરવાનો રહે. જીવનમાં નક્કી કરેલાં લક્ષ્યોની પુન: ચકાસણી કરી શકાય. વક્રી શનિ જીવનમાં અવરોધો અને વિલંબનો સામનો કરાવી શકે છે. ધીરજ અને સાતત્યતા જાળવી રાખવાનો પ્રયત્ન કરવો. Image courtesy: https://pixabay.com કુંભમાં વક્રી બનેલો શનિ બાર જન્મરાશિઓ/જન્મલગ્ન પરત્વે કેવું ફળ આપશે તે જોઈએ. નોંધ લેશો કે નીચે વર્ણવેલ ફળ સ્થૂળ છે. સૂક્ષ્મ ફળનો આધાર વ્યક્તિગત કુંડળીમાં રહેલાં ગ્રહો , દશા-મહાદશા , અષ્ટકવર્ગના બિંદુઓ વગેરે અનેક પરિબળો પર રહેલો હોય છે. મેષ: એકાદશભાવમાં શનિ વક્રી થઈને ગોચર ભ્રમણ કરી રહ્યો છે. આ સમય મૈત્રીસંબંધો તેમજ પોતાના સામાજીક વર્ત...

ઘણાં લોકો જ્યોતિષ શીખવાં માટે ઉત્સુકતા દર્શાવતા હોય છે. એ પાછળનું કારણ પૂછીએ તો ઘણીવાર જાણવાં મળે કે જ્યોતિષ શીખીને કમાણી કરવી છે. જો ‘ કમાણી ’ કરવી એ જ જ્યોતિષ શીખવાં પાછળનો હેતુ હોય તો તે તદ્દન અયોગ્ય અભિગમ કહી શકાશે. જ્યોતિષ એ દૈવીય વિજ્ઞાન છે અને તેનો પહેલો અને એકમાત્ર હેતુ લોકોની મદદ કરવાનો જ હોઈ શકે. હા , એનો મતલબ એમ નથી કે જ્યોતિષ નિ:શુલ્ક જોવાનું હોય. દક્ષિણા તો વૈદિક ફિલસૂફીનું અભિન્ન અંગ છે. આપવું અને લેવું એ આ સંસારનો નિયમ છે. પરંતુ જ્યોતિષની મદદથી પૈસા કમાઈ લેવાં છે કે આવકનું સાધન ઊભું કરવું છે તો આ રસ્તો તમારાં માટે નથી. સૌ પ્રથમ તો જ્યોતિષ એ કંઈ ચપટી વગાડતાં શીખી જવાય એવી વિદ્યા નથી કે આમ શીખી ગયાં અને આમ કમાવાં લાગ્યાં. આ તો વર્ષોની એકધારી સતત સાધના અને સમર્પણનું પરિણામ હોય છે. ઉપરાંત કોઈ દૈવીય વિજ્ઞાનનો સ્વાર્થ માટે ઉપયોગ ફક્ત અને ફક્ત કર્મના બંધનમાં વધારો કરે છે. જ્યોતિષ જરૂર શીખો , પરંતુ તે શીખવાનો હેતુ આધ્યાત્મિક હોવો જોઈએ. ભૌતિક હેતુ અશુભ કર્મના પટારાનો ભાર વધારવા સિવાય બીજું કશું નહિ કરી શકે.