વૃષભ

વૃષભ રાશિ રાશિચક્રની બીજી રાશિ છે. તે સ્થિર અને પૃથ્વીતત્વ ધરાવતી રાશિ છે. તેનો સ્વામી શુક્ર છે. વૃષભ રાશિમાં કૃતિકા નક્ષત્રનાં છેલ્લા ત્રણ ચરણો, રોહિણી અને મૃગશીર્ષ નક્ષત્રનાં પહેલાં બે ચરણોનો સમાવેશ થાય છે.

વૃષભ એટલે કે આખલો અથવા બળદ. માનવસભ્યતામાં ગાય અને ઘોડાની સાથે બળદને પણ એક ઉપયોગી પ્રાણી ગણવામાં આવ્યું છે. વૃષભ રાશિના જાતકો બળદ જેવો મજબૂત અને સ્નાયુબધ્ધ બાંધો, જાડી ગરદન, ગોળ ચહેરો, વાંકડીયા વાળ, ગૌર વર્ણ અને લાક્ષણિક ચાલ ધરાવતાં હોય છે. બળદ જે ચીલે પડે તે ચીલે ચાલ્યો જાય છે. તે જ રીતે વૃષભ રાશિના જાતકો એકધારી ગતિથી ધીમે-ધીમે કાર્ય કરનારાં હોય છે. તેઓ પરંપરાઓને વળગી રહેનારા, જૂનવાણી અને આદતો મુજબ કાર્યો કરવાં ટેવાયેલાં હોય છે. બળદ પરિપક્વ અને ઉર્જાથી ભરપૂર પ્રાણી છે. જો તેની ઉર્જાનો યોગ્ય દિશામાં ઉપયોગ કરવામાં આવે તો કંઈ પણ પ્રાપ્ત થઈ શકે છે નહિ તો એ જ ઉર્જા વિનાશનું કારણ બને છે. વૃષભ રાશિના જાતકો પણ ઉર્જાસભર હોય છે. તેમણે તેમની શક્તિઓ અને આવડતોનો યોગ્ય દિશામાં ઉપયોગ કરવો જોઈએ. બળદ કર્તવ્યનિષ્ઠ, સંયમિત અને આસપાસની પરિસ્થિતિઓથી નિર્લિપ્ત રહેનારું પ્રાણી છે. વૃષભ રાશિનાં જાતકો ધૈર્યવાન, કર્તવ્યપરાયણ અને નાની-નાની બાબતોથી જલ્દીથી વિચલિત નહિ થનારા હોય છે. તેમને છંછેડો નહિ ત્યાં સુધી શાંત રહે છે. તેઓ ભાગ્યે જ ગુસ્સે થાય છે. પરંતુ ગુસ્સે થાય ત્યારે કોઈ પરિણામની પરવા કરતાં નથી. વૃષભ રાશિનાં જાતકો ભૌતિકવાદી વલણ ધરાવે છે. તેમને વસ્ત્રો, અલંકારો અને મોજ-શોખનાં સાધનોનો શોખ હોય છે. કલા, સંગીત અને નાટકોમાં અભિરૂચિ ધરાવે છે. તેમને ઉત્તમ ભોજન પ્રિય હોય છે અને સારી પાચનશક્તિ ધરાવે છે. તેઓ ભાગ્યે જ બિમાર પડે છે. વૃષભ રાશિનાં જાતકો બળદની જેમ બેફિકર, અલમસ્ત અને હંમેશા ખુશ રહેનારાં હોય છે.
દ્વારા

ટિપ્પણીઓ

ટિપ્પણી પોસ્ટ કરો

આ બ્લૉગ પરની લોકપ્રિય પોસ્ટ્સ

શ્રી શનિ ચાલીસા

છબી
શિવપુરાણમાં વર્ણવેલું છે કે અયોધ્યાના રાજા દશરથે શનિદેવને ‘ શનિ ચાલીસા ’ દ્વારા પ્રસન્ન કર્યા હતાં. શનિની સાડાસાતી પનોતી અને શનિ મહાદશા દરમિયાન શનિ ચાલીસાના પાઠ કરવા અતિ શુભ ફળદાયી રહે છે. શનિ ચાલીસાના નિયમિત પાઠથી શનિ સંબંધિત દરેક પ્રકારના દોષોનું નિરાકરણ થાય છે. આ સાથે ગુજરાતી ભાવાર્થ સાથે શનિ ચાલીસા પ્રસ્તુત છે. ॥ દોહા॥ જય ગણેશ ગિરિજા સુવન , મંગલ કરણ કૃપાલ , દીનન કે દુ:ખ દૂર કરિ , કીજૈ નાથ નિહાલ. હે માતા પાર્વતીના પુત્ર ભગવાન શ્રી ગણેશ , આપની જય હો. આપ કલ્યાણકારી છો , બધાં પર કૃપા કરનારાં છો , દીન લોકોના દુ:ખ દૂર કરી તેમને પ્રસન્ન કરો હે ભગવાન.   જય જય શ્રી શનિદેવ પ્રભુ , સુનહુ વિનય મહારાજ , કરહું કૃપા હે રવિ તનય , રાખહુ જન કી લાજ. હે ભગવાન શ્રી શનિદેવજી , આપની જય હો. હે પ્રભુ , અમારી પ્રાર્થના સાંભાળો . હે રવિપુત્ર , અમારા પર કૃપા કરો અને અમારી લાજ રાખો. ॥ ચૌપાઈ॥ જયતિ જયતિ શનિદેવ દયાલા , કરત સદા ભક્તન પ્રતિપાલા . હે દયા કરનારા શનિદેવ! આપની જય હો! જય હો! આપ સદા ભક્તોનું પાલન કરનાર છો. ચારિ ભુજા , તનુ શ્યામ વિરાજૈ , માથે રતન મુકુટ છબિ...
Read more »

શ્રી આદિત્ય હ્રદય સ્તોત્ર (ગુજરાતી અર્થ સહિત)

છબી
આદિત્ય હ્રદય સ્તોત્ર સૂર્યદેવની સ્તુતિ માટે વાલ્મીકી રામાયણના યુદ્ધકાંડમાં આપેલ છે. વાલ્મીકી રામાયણમાં અગત્સ્ય ઋષિએ ભગવાન શ્રીરામને આદિત્ય હ્રદય સ્તોત્રથી સૂર્યની સ્તુતિ કરવાની સલાહ આપી હતી. અગત્સ્ય મુનિની સલાહ માનીને ભગવાન શ્રીરામે આદિત્ય હ્રદય સ્તોત્રનો પાઠ કર્યો અને રાવણનો વધ કરી શક્યા. આદિત્ય હ્રદય સ્તોત્રનો નિયમિત પાઠ કરવાથી જીવનને આધ્યાત્મિક અને શારીરિક સ્વસ્થતાની   દિશામાં લઈ જઈ શકાય છે. ચેતનામાં દિવ્યતાનો અનુભવ કરી શકાય છે. આ સ્તોત્રમાં સૂર્યના ગુણોનું વર્ણન કરવામાં આવ્યું છે.   નિયમિત આ સ્તોત્રના પાઠ કરવાથી સૂર્યના ગુણો આત્મસાત થઈને શક્તિ અને સૌભાગ્યની પ્રાપ્તિ થાય છે. શારીરિક તંદુરસ્તીની પ્રાપ્તિ થઈ શકે છે. રોગોનો નાશ થઈને સ્વસ્થ-તંદુરસ્ત જીવન જીવવામાં સહાય મળે છે. માનસિક શાંતિ , ધ્યાન અને સ્થિરતાનો અનુભવ કરી શકાય છે. ॥ વિનિયોગ ॥ ૐ અસ્ય આદિત્ય હૃદયસ્તોત્રસ્યાગસ્ત્યઋષિરનુષ્ટુપછન્દઃ , આદિત્યહૃદયભૂતો ભગવા‌ન્‌ બ્રહ્મા દેવતા નિરસ્તાશેષવિઘ્નતયા બ્રહ્મવિદ્યાસિદ્ધૌ સર્વત્ર જયસિદ્ધૌ ચ વિનિયોગ : । ॥ ઋષ્યાદિન્યાસ ॥ ૐ અગસ્ત્યઋષયે નમઃ , શિરસિ । અનુષ્ટુપ્‌ છન્દસે નમઃ , મુખ...
Read more »

દશરથકૃત શ્રી શનૈશ્ચર સ્તોત્ર

છબી
જ્યોતિષશાસ્ત્ર અનુસાર જ્યારે શનિદેવ રોહિણી-શકટ ભેદન કરે ત્યારે પૃથ્વી પર બાર વર્ષો સુધી દુષ્કાળ પડે અને પ્રાણીઓનું બચવું મુશ્કેલ થઈ જાય. કહેવાય છે કે આ યોગ રાજા દશરથના સમયમાં આવનાર હતો. જ્યારે જ્યોતિષીઓએ રાજા દશરથને આ વિશે જણાવ્યું તો પ્રજાને બચાવવા માટે મહારાજ દશરથ પોતાના વિશેષ રથ દ્વારા આકાશ માર્ગે નક્ષત્રમંડળ પહોંચી ગયા. ત્યાં જઈને પહેલાં તેમણે શનિદેવને પ્રણામ કર્યા અને પછી પૃથ્વીવાસીઓની ભલાઈ માટે ક્ષત્રિય ધર્મ અનુસાર યુદ્ધનું આહ્વાન કર્યુ. શનિદેવ તેમની આ કર્તવ્યનિષ્ઠા જોઈને અત્યંત પ્રસન્ન થયા અને વરદાન માંગવા કહ્યું. શનિદેવને પ્રસન્ન જોઈને મહારાજ દશરથે એમની સ્તુતિ કરી અને કહ્યું કે ‘ હે શનિદેવ! પ્રજાના કલ્યાણ માટે આપ રોહિણી નક્ષત્રનું ભેદન ન કરો ’. શનિદેવ પ્રસન્ન હતાં અને તેમણે તરત જ મહારાજ દશરથને તથાસ્તુ કહ્યું અને સાથે-સાથે એ પણ કહ્યું કે જે માનવી તમારા દ્વારા કરેલા આ સ્તોત્રથી મારી સ્તુતિ કરશે એની ઉપર મારો અશુભ પ્રભાવ ક્યારેય નહિ પડે.   નમ: કૃષ્ણાય નીલાય શિતિકંઠનિભાય ચ । નમ: કાલાગ્નિરુપાય કૃતાન્તાય ચ વૈ નમ: ॥ ૧॥ નમો નિર્માંસદેહાય દીર્ઘશ્મશ્રુજટાય ચ । નમો વિ...
Read more »